<
முழுநேர ரேஷன்கடை கேட்டு பொதுமக்கள் மனு
சாஸ்திரி நகரில் முழுநேர ரேஷன்கடை கேட்டு பொதுமக்கள் மனு
வேலூர்
வேலூர் கூட்டுறவுத்துறை துணை பதிவாளர் அலுவலகத்தில் சாய்நாதபுரம் அருகே உள்ள சாஸ்திரிநகரை சேர்ந்த பொதுமக்கள் அ.தி.மு.க. பிரமுகர் பி.எஸ்.பழனி தலைமையில் இன்று மனு அளித்தனர்.
அந்த மனுவில் அவர்கள் கூறியிருப்பதாவது:-
வேலூர் சாஸ்திரிநகரில் பகுதிநேர ரேஷன் கடை இயங்கி வருகிறது. இதில் 700-க்கும் மேற்பட்ட குடும்ப அட்டை தாரர்கள் உள்ளனர்.
இந்த கடை செவ்வாய் மற்றும் சனிக்கிழமை மட்டுமே திறக்கப்படுகிறது. இதனால் 2 நாட்களிலும் பொருட்கள் வாங்க ஏராளமானவர்கள் அங்கு குவிகின்றனர்.
எனவே நாங்கள் நீண்ட வரிசையில் அதிக நேரம் காத்திருந்து பொருட்களை வாங்க வேண்டிய நிலை உள்ளது. பலர் கூலித் தொழிலாளர்களாக இருப்பதால் மாலை 6 மணிக்கு மேல் வந்து பொருட்களை வாங்க முடியாமல் அவதிப்படுகின்றனர்.
பகுதி நேரமாக செயல்படும் இந்த கடையை அனைத்து நாட்களிலும் செயல்படும் வகையில் முழுநேர ரேஷன் கடையாக மாற்ற நடவடிக்கை எடுக்க வேண்டும்.
இவ்வாறு அதில் கூறியிருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
