<
அரசு பஸ் டிரைவரை தாக்கிய 2 பேர் கைது
பெரியகுளம் அருகே அரசு பஸ் டிரைவரை தாக்கிய 2 பேர் கைது செய்யப்பட்டனர்.
பெரியகுளம்:
திருப்பூரில் இருந்து தேனிக்கு அரசு பஸ் ஒன்று சென்று கொண்டிருந்தது. அந்த பஸ்சை வெள்ளியங்கிரி (வயது 42) என்பவர் ஓட்டினார். பெரியகுளத்தில் வைகை அணை பிரிவு அருகே அரசு பஸ் சென்றபோது, முன்னால் சென்ற மினிபஸ் ஒன்றை முந்தி சென்றது.
இதனால் ஆத்திரமடைந்த மினி பஸ் டிரைவர் காமராஜ், அரசு பஸ்சை பின்தொடர்ந்து சென்றார். மூன்றாந்தல் என்னுமிடத்தில் அந்த அரசு பஸ்சில் இருந்து பயணிகள் இறங்கி கொண்டிருந்தனர்.
அப்போது அரசு பஸ்சின் குறுக்கே மினி பஸ்சை நிறுத்தி விட்டு டிரைவர் காமராஜ் (26), கண்டக்டர் தங்கவேல் (33) ஆகிய இருவரும் சேர்ந்து அரசு பஸ் டிரைவர் வெள்ளியங்கிரியை தகாத வார்த்தைகளில் பேசி தாக்கினர். இதுகுறித்து தென்கரை போலீசார் வழக்குப்பதிவு செய்து காமராஜ், தங்கவேலை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
