தச்சுத்தொழிலாளி வீட்டில் நகை, பணம் திருட்டு

வடமதுரை:
வடமதுரை அகத்தியர் நகரை சேர்ந்தவர் செல்வம் (46). தச்சுத்தொழிலாளியான இவர், கரூரில் தங்கியிருந்து வேலை செய்து வருகிறார். அவருடைய மனைவி ஈஸ்வரி. இந்த தம்பதிக்கு கவுசல்யா என்ற மகள் உள்ளார். நேற்று முன்தினம் இரவு ஈஸ்வரி வெளியூர் சென்று விட்டார். இதனால் கவுசல்யா, வீட்டை பூட்டி விட்டு அதே பகுதியில் உள்ள தனது உறவினர் வீட்டுக்கு இரவில் தூங்க சென்று விட்டார்.
இந்தநிலையில் நேற்று காலை வீட்டின் உரிமையாளர் ரமேஷ் வீட்டுக்கு வந்தார். அப்போது வீட்டில் உள்ள கதவு பூட்டு உடைக்கப்பட்டு இருந்ததை கண்டு அதிர்ச்சி அடைந்தார். இதுகுறித்து செல்வம், ஈஸ்வரி ஆகியோருக்கு தகவல் தெரிவித்தார். அதன்பேரில் ஈஸ்வரி வீட்டுக்கு வந்து பார்த்தபோது பீரோ உடைக்கப்பட்டு, அதில் இருந்த 5¾ பவுன் தங்க நகை மற்றும் ரூ.1 லட்சத்து 17 ஆயிரம் திருட்டு போய் இருந்ததை கண்டு அதிர்ச்சி அடைந்தார்.