தேன்கனிக்கோட்டையில் சரக்கு வாகனம் திருடிய வாலிபர் கைது

தேன்கனிக்கோட்டை:

தேன்கனிக்கோட்டை அருகே உள்ள பெரிய பென்னங்கூர் கிராமத்தை சேர்ந்தவர் காதர்(வயது 39). விறகு வியாபாரி. இவர் தனது சரக்கு வாகனத்தை வீட்டின் அருகே நிறுத்தி வைத்து இருந்தார். இந்த வாகனத்தை மர்ம நபர்கள் திருடி சென்றனர். இதுகுறித்து காதர் தேன்கனிக்கோட்டை போலீசில் புகார் செய்தார். அதன்பேரில் போலீஸ் சப்-இன்ஸ்பெக்டர் கார்த்திகேயன் வழக்குப்பதிவு செய்து விசாரணை நடத்தினர். அப்போது பென்னங்கூரை சேர்ந்த தன்வீர் (29), என்பவர் சரக்கு வாகனத்தை திருடி சென்றது தெரிந்தது. இதையடுத்து போலீசார் அவரை கைது செய்து வாகனத்தை மீட்டனர்.