<
விழாவுக்கு சாப்பிட சென்றவர் மின்சாரம் தாக்கி பலி
திருமங்கலம் அருகே விழா ஒன்றில் சாப்பிட சென்றவர் மின்சாரம் தாக்கி பலியானார்.
திருமங்கலம்,
திருமங்கலம் அருகே விழா ஒன்றில் சாப்பிட சென்றவர் மின்சாரம் தாக்கி பலியானார்.
இந்த பரிதாப சம்பவம் பற்றி கூறப்படுவதாவது:-
கொத்தனார்
திருமங்கலம் அருகே உள்ள கரிசல்பட்டி கிராமத்தைச் சேர்ந்தவர் முத்துச்சாமி (வயது 42). இவர் கொத்தனார் வேலை பார்த்து வந்தார். இவருடைய மனைவி மல்லிகா. இவர்களுக்கு ஒரு மகனும் மகளும் உள்ளனர்.
இந்த நிலையில் நேற்று முத்துச்சாமி இவருடைய உறவினர் வீட்டு சடங்கு நிகழ்ச்சிக்கு சென்றிருந்தார். அங்கு சடங்கு முடிந்து பந்தி நடைபெற்று கொண்டு இருந்தது. சாப்பாடு பந்தி நடந்த இடத்தில் பந்தல் போடப்பட்டிருந்தது. அந்த பந்தலில் அருகே உள்ள மின் கம்பம் வழியாக மின்சாரம் பாய்ந்துள்ளது.
மின்சாரம் தாக்கி பலி
இதை அறியாத முத்துச்சாமி எதிர்பாராதவிதமாக பந்தலுக்காக போடப்பட்டு இருந்த இரும்பு கம்பியை தொட்டு உள்ளார். அப்போது மின்சாரம் தாக்கியதில் முத்துச்சாமி சம்பவ இடத்திலேயே துடித்துடித்து பரிதாபமாக இறந்தார். இதை பார்த்த உறவினர்கள் அதிர்ச்சி அடைந்தனர்.
இது குறித்து தகவல் அறிந்ததும் திருமங்கலம் தாலுகா போலீசார் உடலை கைப்பற்றி விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
