திருச்சியில் இருந்து விமானத்தில் துபாய் செல்ல முயன்றவர் கைது

செம்பட்டு:

திருச்சி விமான நிலையத்தில் இருந்து நேற்று காலை இலங்கைக்கு ஸ்ரீலங்கன் ஏர்லைன்ஸ் விமானம் புறப்பட தயாராக இருந்தது. இந்த விமானத்தில் பயணம் ெசய்ய இருந்த பயணிகளை இமிகிரேஷன் பிரிவு அதிகாரிகள் சோதனை செய்தனர். அப்போது அந்த விமானத்தில் பயணம் செய்து துபாய்க்கு செல்ல இருந்த ராமநாதபுரம் மாவட்டம் முதுகுளத்தூர் பொய்கனேந்தல் பகுதியை சேர்ந்த கணேசன்(வயது 45) என்பவர், சுப்பிரமணி என்ற பெயரில் பாஸ்போர்ட் பெற்று துபாய் செல்ல இருந்தது தெரியவந்தது. இதையடுத்து இமிகிரேஷன் பிரிவு அதிகாரிகள் கணேசனை ஏர்போர்ட் போலீசாரிடம் ஒப்படைத்தனர். இதனைத்தொடர்ந்து ஏர்போர்ட் போலீசார் கணேசன் மீது வழக்குப்பதிவு செய்து, அவரை கைது செய்து சிறையில் அடைத்தனர்.