எருமப்பட்டி அருகே பாம்பு கடித்து விவசாயி சாவு

எருமப்பட்டி:

எருமப்பட்டி கைகாட்டி பகுதியை சேர்ந்தவர் சேகர் (வயது 56). இவர் நேற்று மாலை தோட்டத்தில் உள்ள கிணற்றில் இருந்து தண்ணீர் எடுத்து விட்டு நெல் வயலுக்கு தண்ணீர் பாய்ச்சி கொண்டிருந்தார். அப்போது பாம்பு ஒன்று அவரை கடித்து விட்டது. இதில் அதிர்ச்சி அடைந்த அவர் உடனடியாக தனது மகனுக்கு தகவல் கொடுத்து விட்டு மயக்கம் அடைந்தார். உடனே அங்கு வந்த சேகரின் மகன் அங்கிருந்தவர்களின் உதவியுடன் தனியார் ஆம்புலன்ஸ் மூலம் நாமக்கல் அரசு ஆஸ்பத்திரிக்கு சேகரை கொண்டு சென்றார். அங்கு அவரை பரிசோதனை செய்த டாக்டர்கள் வரும் வழியிலேயே இறந்து விட்டதாக தெரிவித்தனர். இந்த சம்பவம் குறித்து எருமப்பட்டி போலீசார் வழக்குப்பதிவு செய்து விசாரணை நடத்தி வருகிறார்கள்.