<
‘டிராக் அழகர் செயலி’யை பயன்படுத்துவது எப்படி?
மதுரை சித்திரை திருவிழாவில் கள்ளழகர் இருப்பிடத்தை அறிய ‘டிராக் அழகர் செயலி’யை பயன்படுத்துவது எப்படி? என்பது குறித்து க மாவட்ட போலீஸ் சூப்பிரண்டு பாஸ்கரன் விளக்கம் அளித்துள்ளார்்.
மதுரை,
மதுரை சித்திரை திருவிழாவில் கள்ளழகர் இருப்பிடத்தை அறிய ‘டிராக் அழகர் செயலி’யை பயன்படுத்துவது எப்படி? என்பது குறித்து க மாவட்ட போலீஸ் சூப்பிரண்டு பாஸ்கரன் விளக்கம் அளித்துள்ளார்்.
டிராக் அழகர் செயலி அறிமுகம்
மதுரை சித்திரை திருவிழாவில் அழகர்கோவிலில் இருந்து கள்ளழகர் மதுரை நகருக்குள் வந்து விட்டு திரும்பி செல்லும் வரை பக்தர்கள் கூட்டம் அதிகமாக இருக்கும். எனவே கள்ளழகர் எந்த இடத்தில் இருக்கிறார் என்பதை அறிந்து பக்தர்கள் அங்கு சென்று பார்க்கும் வகையில் புதிய ஏற்பாடுகளை மதுரை மாவட்ட போலீஸ் சூப்பிரண்டு பாஸ்கரன் செய்துள்ளார். இது குறித்து அவர் நேற்று மாலை நிருபர்களிடம் கூறியதாவது:-
மதுரை மாவட்ட மக்களின் பாதுகாப்பு வசதிக்காக மதுரை காவலன் என்ற செயலி அறிமுகப்படுத்தப்பட்டு நடைமுறையில் உள்ளது. அந்த காவலன் செயலி மூலம் சித்திரை திருவிழாவை எவ்வித சிரமமின்றி கண்டுகளிக்க புதிய வசதி ஏற்படுத்தி உள்ளோம்.அதன்படி மதுரை மக்களின் நலன் கருதி மதுரை காவலன் என்ற செயலியில் டிராக் அழகர் (Track Alagar) என்ற வசதி அறிமுகம் செய்யப்பட்டுள்ளது.
கள்ளழகர் இருக்கும் இடம்
இதன் மூலம் வைகை ஆற்றில் இறங்குவதற்காக கள்ளழகர் வருகிற 14-ந் தேதி அழகர் மலையிலிருந்து புறப்பட்டு மீண்டும் அழகர் கோவில் செல்லும் வரை, அவர் எந்த வழித்தடத்தின் வழியாக செல்கிறார், எந்த இடத்தில் இருக்கிறார் என்பதை தங்கள் செல்போனில் மதுரை காவலன் என்ற செயலில் டிராக் அழகர் (Track Alagar) என்ற லிங்க் மூலம் வரும் வரைபடத்தில் தெரிந்து கொள்ளலாம்.
இதனால் மக்கள் நேரம் விரயமாவதை தடுக்க முடியும் மற்றும் எந்த விதமான இடையூறும் இல்லாமல் குறித்த நேரத்தில் கள்ளழகரை தரிசிக்க முடியும். மேலும் போக்குவரத்து நெரிசல் மற்றும் சிரமத்தை தவிர்த்து கள்ளழகரை பக்தர்கள் தரிசிக்க இந்த வசதி ஏற்படுத்தப்பட்டுள்ளது.
2 ஜி செல்போனிலும் அறியலாம்
பக்தர்கள் தங்களின் ஆன்டிராய்டு செல்போனில் உள்ள பிளே ஸ்டோரில் இலவசமாக மதுரை காவலன் செயலியை பதிவிறக்கம் செய்து கொள்ளலாம். ஏற்கனவே அந்த செயலியை வைத்திருப்பவர்கள் அதனை அப்டேட் செய்த பின்னால் மதுரை காவலன் செயலில் உள்ள டிராக் அழகர் மூலம் அறிந்து கொள்ளலாம்.
மதுரை காவலன் செயலியை இதுவரை 44 ஆயிரம் பேர் பதிவிறக்கம் செய்துள்ளார்கள். இந்த செயலி மூலம் 600 புகார்கள் வந்துள்ளது. இது தவிர அந்த செயலில் உள்ள லாக்டு ஹோம் வரும் வசதி மூலம் இதுவரை 1100 தகவல்கள் பெறப்பட்டு போலீசார் உரிய ரோந்து ஏற்பாடு செய்து கண்காணிக்கப்பட்டுள்ளது. இந்த வசதியானது 2 ஜிசெல்போனிலும் தமிழ் மற்றும் ஆங்கில குறுஞ்செய்தி மூலம் கள்ளழகர் வருகையை துல்லியமாக அறிந்து கொள்ள முடியும்.
இவ்வாறு அவர் தெரிவித்தார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
