தென்காசி நகர தி.மு.க. நிர்வாகிகள் தேர்தலுக்கு விருப்ப மனுக்கள் பெறப்பட்டன

தென்காசி:

தி.மு.க. அமைப்பு தேர்தல் தற்போது நடைபெற உள்ளது. இதற்காக விருப்ப மனுக்கள் பெறப்பட்டு வருகின்றன. தென்காசி நகர அமைப்பு தேர்தலுக்கான விருப்ப மனுக்கள் புதிய பஸ் நிலையம் அருகில் உள்ள ஒரு தனியார் விடுதியில் பெறப்பட்டன. இதற்காக நியமனம் செய்யப்பட்ட மாவட்ட பொதுக்குழு உறுப்பினர் மேகநாதனிடம் மனுக்கள் வழங்கப்பட்டன.

தென்காசி நகரில் உள்ள 33 வார்டுகளுக்கும் வார்டு செயலாளர்கள், வட்ட பிரதிநிதிகள், பொருளாளர், அவைத்தலைவர், நகர செயற்குழு உறுப்பினர்கள் ஆகிய பதவிகளுக்கு மனுக்கள் பெறப்பட்டன. நிகழ்ச்சியில் தென்காசி தெற்கு மாவட்ட செயலாளர் சிவ பத்மநாதன், நகர செயலாளர் சாதிர், நகர்மன்ற துணைத் தலைவர் கே.என்.எல். சுப்பையா, மாவட்ட மகளிரணி செயலாளர் முத்துச்செல்வி, ஒன்றிய செயலாளர்கள் சீனி துரை, அழகு சுந்தரம், மாவட்ட விவசாய அணி துணை அமைப்பாளர் சாமிதுரை, கூட்டுறவு சங்க தலைவர் ஷமீம் இப்ராகிம் உட்பட பலர் கலந்து கொண்டனர்.