<
ஊத்துக்கோட்டை அருகே பெற்றோர் கண்டித்ததால் பிளஸ்-2 மாணவர் தற்கொலை
ஊத்துக்கோட்டை அருகே பெற்றோர் கண்டித்ததால் பிளஸ்-2 மாணவர் தற்கொலை செய்து கொண்டார்.
ஊத்துக்கோட்டை,
திருவள்ளூர் மாவட்டம் ஊத்துக்கோட்டை அருகே உள்ள பெரம்பூர் கிராமத்தை சேர்ந்தவர் தயாளன். கூலித்தொழிலாளி. இவரது மகன் தனுஷ் (வயது 18). இவர் ஊத்துக்கோட்டையில் உள்ள அரசினர் ஆண்கள் மேல்நிலை பள்ளியில் பிளஸ்-2 படித்து வந்தார்.
பொதுத்தேர்வு நெருங்கி வரும் சூழலில் தனுஷ் நன்றாக படிக்கவில்லை என்று கூறப்படுகிறது. இதனை அவரது பெற்றோர் கண்டித்துள்ளனர்.
இதனையடுத்து தனுஷ் வீட்டில் இருந்த பூச்சி மருந்தை (விஷம்) குடித்துவிட்டார். உயிருக்கு ஆபத்தான நிலையில் இருந்த அவரை சென்னை அரசு ஆஸ்பத்திரியில் அனுமதித்தனர். அங்கு சிகிச்சை பலனின்றி அவர் இறந்தார்.
இதுகுறித்து ஊத்துக்கோட்டை போலீசார் வழக்குப்பதிவு செய்து விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
