ரேஷன் அரிசி கடத்தல்; 2 பேர் கைது

நெல்லை:

நெல்லை குடிமைப்பொருள் வழங்கல் குற்றப்புலனாய்வு துறை இன்ஸ்பெக்டர் கோட்டைச்சாமி, சப்-இன்ஸ்பெக்டர்கள் சரவணபோஸ், மகேஸ்வரன் ஆகியோர் தலைமையில் போலீசார் நேற்று அம்பை அருகே வாகன சோதனையில் ஈடுபட்டனர். அப்போது ஒரு ஆம்னி வேனில் 540 கிலோ ரேஷன் அரிசியை கல்லிடைக்குறிச்சி சேர்ந்த இசக்கிபாண்டி (வயது 22), சங்கரலிங்கம் (29) ஆகியோர் கேரளாவுக்கு கடத்தி சென்றனர். இதை போலீசார் மடக்கிப் பிடித்து அவர்கள் 2 பேரையும் கைது செய்தனர். 540 கிலோ ரேஷன் அரிசியையும், ஆம்னி வேனையும் பறிமுதல் செய்தனர்.