தேன்கனிக்கோட்டையில் டிராக்டர் கவிழ்ந்து தொழிலாளி சாவு

தேன்கனிக்கோட்டை:

தேன்கனிக்கோட்டை அருகே உள்ள காமகிரி கிராமத்தை சேர்ந்தவர் மகேந்திரன். இவரது மகன் விஜய் (வயது 23). தச்சுத்தொழிலாளி. சம்பவத்தன்று இவர் அந்த பகுதியில் உள்ள விவசாய நிலத்தில் நிறுத்தப்பட்டிருந்த டிராக்டரை எடுத்தார். அப்போது திடீரென டிராக்டர் பள்ளத்தில் கவிழ்ந்து விபத்துக்குள்ளானது. இதில் விஜய் படுகாயம் அடைந்தார். உறவினர்கள் அவரை மீட்டு தேன்கனிக்கோட்டை அரசு மருத்துவமனைக்கு கொண்டு சென்றனர். ஆனால் செல்லும் வழியிலே விஜய் இறந்தார். இதுகுறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.