<
தெரு நாய்கள் கடித்து குதறியதில் 9 ஆடுகள் செத்தன
ஊத்துக்குளி பகுதியில் தெரு நாய்கள் கடித்து குதறியதில் 9 ஆடுகள் செத்தன.
ஊத்துக்குளி, ஏப்.27-
ஊத்துக்குளி பகுதியில் தெரு நாய்கள் கடித்து குதறியதில் 9 ஆடுகள் செத்தன.
9 ஆடுகள் செத்தன
ஊத்துக்குளி பேரூராட்சி வெள்ளைக்கவுண்டன் புதூர் குட்டைக்காடு பகுதியை சேர்ந்தவர் சின்னமணி. இவர் அப்பகுதியில் விவசாயம் செய்துகொண்டு ஆடுகளை வளர்த்து வந்தார். நேற்று அதிகாலை சின்னமணி வீட்டில் தூங்கிக் கொண்டிருந்தபோது ஆடுகளின் அலறல் சத்தம் கேட்டது. உடனே அவர் வெளியே வந்து பார்த்தார். அப்போது வீட்டின் வெளியே கட்டி வைக்கப்பட்டிருந்த ஆடுகளை நாய்கள் கடித்து குதறி கொண்டிருந்தது. அதைப் பார்த்து அதிர்ச்சி அடைந்த அவர் அருகிலிருந்த கட்டையை எடுத்து நாய்களை துரத்தினார். அதற்குள் தெரு நாய்கள் கடித்து குதறியதில் 9 ஆடுகளும் சின்னமணி கண்முன்னே துடிதுடித்து பரிதாபமாக செத்தன. தனது வறுமையை போக்க ஆடுகளை வளர்த்து வந்த சின்னமணி செய்வதறியாது திகைத்து நின்றார்.
2 மாடுகள் பலி
இதேபோல் கடந்த சில தினங்களுக்கு முன்பாக தெற்கால தோட்டம் பகுதியை சேர்ந்த சின்னசாமி என்பவரது தோட்டத்துக்குள் புகுந்த தெரு நாய்கள் அவர் வளர்த்து வந்த மாட்டை கடித்து கொன்று விட்டன. மேலும் கொத்துக்காரர் தோட்டத்திற்குச் சென்ற நாய்கள் தங்கமுத்து என்பவருக்குச் சொந்தமான மாட்டையும் கடித்து குதறின. இதில் 2 மாடுகளும் பரிதாபமாக இறந்தன. இதனால் இப்பகுதி விவசாயிகள் கால்நடைகளை தங்கள் வீட்டில் கட்டி வளர்ப்பதற்கு அச்சப்பட்டு வருகின்றனர்.
நடவடிக்கை
மேலும் ஊத்துக்குளி பேரூராட்சி பகுதியில் சுற்றித் திரியும் நாய்களால் வாகன போக்குவரத்திற்கு இடையூறு ஏற்படுவதுடன் இருசக்கர வாகனத்தில் செல்வோர் நிலை தடுமாறி கீழே விழுந்து அவ்வப்போது சிறு விபத்துகளும் ஏற்பட்டு வருகிறது. கால்நடைகளை கடிப்பது போல் தெருநாய்கள் பொதுமக்களை கடித்து விபரீதம் ஏற்படுவதற்கு முன்பாக தெருநாய்களை கட்டுப்படுத்த பேரூராட்சி நிர்வாகம் நடவடிக்கை எடுக்க வேண்டும் என விவசாயிகளும் பொதுமக்களும் கோரிக்கை விடுத்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
