குமாரபாளையம் அரசு கல்லூரியில் மகளிர் கூட்டமைப்பினர் 100 மரக்கன்றுகள் நட்டனர்

குமாரபாளையம்:

குமாரபாளையம் பகுதியில் செயல்பட்டு வரும் வாகை சூடி, புவிதம், சிங்கப்பெண்கள் ஆகிய மூன்று மகளிர் கூட்டமைப்புகள் சார்பில் 100 மரக்கன்றுகள் நடும் விழா குமாரபாளையம் அரசு கலை மற்றும் அறிவியல் கல்லூரியில் நடைபெற்றது. விழாவை நாமக்கல் மாவட்ட மகளிர் உதவி திட்ட அலுவலர் ஜோதி பிரித்திகா மரக்கன்றுகளை நட்டு தொடங்கி வைத்தார். இதில் கல்லூரி முதல்வர் ரேணுகா, நகராட்சி சமுதாய அமைப்பாளர்கள் ரகு, முரளி, வாகைசூடி கூட்டமைப்பின் தலைவர் மகாலட்சுமி, சிங்க பெண்கள் கூட்டமைப்பின் நிர்வாகிகள் லோகநாயகி, ரத்தின பிரியா, தமிழ்செல்வி சமுதாய பயிற்றுனர்கள் தமிழரசி, நாராயணி மற்றும் கல்லூரி பேராசிரியர்கள் கலந்து கொண்டனர்.