பிறந்த பேத்தியை வீட்டுக்கு ஹெலிகாப்டரில் அழைத்து வந்த விவசாயி

புனே,

புனேவின் புறநகரில் உள்ள பலேவாடி பகுதியை சேர்ந்தவர் அஜித் பாண்டுரங் பல்வத்கர். விவசாயியான இவரது மகனுக்கு சமீபத்தில் பெண் குழந்தை பிறந்தது. அஜித் பாண்டுரங் பேத்தி பிறந்த உற்சாகத்தில் இருந்தார். குழந்தை பிறந்தவுடன் ஷெவால்வாடியில் உள்ள தாய்வழி தாத்தா-பாட்டி வீட்டிற்கு அழைத்து செல்லப்பட்டது. தற்போது, அங்கிருந்து குழந்தையையும், தாயையும் திரும்ப வீட்டிற்கு அழைத்து வர முடிவு செய்யப்பட்டது.

பேத்திக்கு பிரமண்டமான வரவேற்பு அளிக்க விரும்பிய அஜித் பாண்டுரங், ஹெலிகாப்டர் ஒன்றை வாடகைக்கு எடுத்தார். பின்னர், ஷெவால்வாடியில் உள்ள தாய்வழி தாத்தா பாட்டி வீட்டில் இருந்து பேத்தியையும், மருமகளையும் அஜித் பாண்டுரங் ஹெலிகாப்டரில் தன்னுடைய வீட்டுக்கு அழைத்து வந்தார்.

பேத்திக்காக அஜித் பாண்டுரங் எடுத்த இந்த பிரம்மாண்ட முடிவு, அனைவரையும் வியப்பில் ஆழ்த்தியது.

கடந்த ஜனவரி மாதம் புனே மாவட்டம் கேத் தாலுகாவில் வக்கீல் ஒருவர் தனக்கு பிறந்த பெண் குழந்தையை ஹெலிகாப்டரில் அழைத்து வந்து அசத்தியது நினைவுக்கூரத்தக்கது.