மோட்டார் சைக்கிள் விபத்தில் வாலிபர் காயம்

அரியலூர் மாவட்டம் உடையார்பாளையம் அருகே மனகெதி கிராமத்தை சேர்ந்தவர் தமிழ் செல்வன் (வயது 25). இவர் அதே ஊரை சேர்ந்த ராஜாதிருமுருகன் (31) என்பவரும் தனது மோட்டார் சைக்கிளில் திருச்சி-சிதம்பரம் சாலையில் சென்று கொண்டிருந்தார். அப்போது திருச்சி செங்குணம் கிராமத்தை சேர்ந்த சூரியா (28) தனது மோட்டார் சைக்கிளில் சென்று கொண்டிருந்தபோது எதிர்பாராத விதமாக தமிழ் செல்வன் மோட்டார் சைக்கிள் மீது மோதினார். இதில் பின்னால் அமர்ந்து இருந்த ராஜாதிருமுருகன் பலத்த காயமடைந்தார். பின்னர் அவர் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த விபத்து குறித்து போலீசார் வழக்குப்பதிவு செய்து சூரியாவை கைது செய்து விசாரணை நடத்தி வருகின்றனர்.