கத்தியை காட்டி மிரட்டியவர் கைது

சிவகாசி

சிவகாசி முனீஸ்வரன் காலனியை சேர்ந்தவர் பொன்ராஜ்(வயது 23). இவர் அதே பகுதியில் உள்ள ஒரு பட்டாசு ஆலையில் வேலை செய்து வருகிறார். சம்பவத்தன்று காலையில் வழக்கம்போல் வேலைக்கு சென்ற போது சிவகாசி-நாரணாபுரம் ரோட்டில் மணிமாறன்(40) என்பவர் கத்தியை காட்டி மிரட்டி பணம் கேட்டுள்ளார். அப்போது பொன்ராஜ் சத்தம் போட்டதால் மணிமாறன் தப்பி ஓடிவிட்டதாக கூறப்படுகிறது. இது குறித்து பொன்ராஜ் சிவகாசி கிழக்கு போலீசில் புகார் கொடுத்தார். புகாரின் பேரில் போலீசார் வழக்குபதிவு செய்து மணிமாறனை கைது செய்தனர்.