போச்சம்பள்ளி அருகே மினி பஸ் மோதி காவலாளி சாவு

மத்தூர்:

தர்மபுரி மாவட்டம் காரிமங்கலம் அருகே உள்ள பெரிய கொல்லப்பள்ளியை சேர்ந்தவர் மணிகண்டன் (வயது 32). இவர் போச்சம்பள்ளி சிப்காட் பகுதியில் உள்ள தனியார் நிறுவனத்தில் காவலாளியாக வேலை செய்து வந்தார். சம்பவத்தன்று இவர் பணி முடிந்து வீட்டுக்கு மோட்டார் சைக்கிளில் சென்று கொண்டு இருந்தார். ஐந்தாலமரம் சென்றபோது மீது எதிரே வந்த மினிபஸ் மோட்டார் சைக்கிள் மீது மோதியது. இதில் மணிகண்டன் உடல் நசுங்கி சம்பவ இடத்திலேயே பரிதாபமாக இறந்தார். விபத்து குறித்து தகவல் அறிந்ததும்  போலீசார் விரைந்து சென்று மணிகண்டனின் உடலை கைப்பற்றி பிரேத பரிசோதனைக்காக போச்சம்பள்ளி அரசு ஆஸ்பத்திரிக்கு அனுப்பி வைத்தனர். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.