கஞ்சா விற்ற வாலிபர் கைது

சாயல்குடி, 

சாயல்குடி பகுதியில் கஞ்சா விற்பனை செய்வதாக வந்த தகவலின் அடிப்படையில் சாயல்குடி போலீஸ் இன்ஸ்பெக்டர் ஜெயசித்ரா, சப்-இன்ஸ்பெக்டர் பாண்டியன் மற்றும் போலீசார், மூக்கையூர் பகுதியில் ரோந்து பணி மேற்கொண்டனர். அப்போது வடக்கு மூக்கையூர் பஸ் நிறுத்தம் அருகே அதே பகுதியை சேர்ந்த பாலாஜி (வயது 25) என்பவர் சந்தேகத்திற்கு இடமளிக்கும் வகையில் நின்று கொண்டிருந்தார். அவரிடம் போலீசார் விசாரணை செய்ததில் முன்னுக்கு பின்னாக பதில் அளித்தார். இதனால் அவருடைய இருசக்கர வாகனத்தில் சோதனை செய்தபோது 1½ கிலோ கஞ்சா இருந்தது தெரியவந்தது. இதையடுத்து கஞ்சா மற்றும் இருசக்கர வாகனத்தை பறிமுதல் செய்த போலீசார் பாலாஜியை கைது செய்தனர்.