மினி லாரி மோதி விவசாயி பலி

பள்ளிபாளையம்:

பள்ளிபாளையம் அருகே வெப்படையில் இருந்து குமாரபாளையம் செல்லும் வழியில் உள்ள எலந்தக்குட்டை பகுதியை சேர்ந்தவர் ராமசாமி (வயது 65). விவசாயி. இவர் சம்பவத்தன்று எலந்தக்குட்டை பஸ் நிறுத்தம் அருகே சாலையோரம் நின்று கொண்டிருந்தார். அப்போது அந்த வழியாக வந்த மினி லாரி ஒன்று கட்டுப்பாட்டை இழந்து தறிகெட்டு ஓடி சாலையோரம் நின்ற ராமசாமி மீது மோதியது. இதில் பலத்த காயம் அடைந்த அவர் சம்பவ இடத்திலேயே இறந்தார். இதுகுறித்து வெப்படை போலீசார் வழக்குப்பதிவு செய்து மினி லாரியை ஓட்டி வந்த டிரைவரிடம் விசாரணை நடத்தி வருகின்றனர்.