தூத்துக்குடி அருகே முதியவரை தாக்கியவர் கைது

தூத்துக்குடி அருகே உள்ள முத்தையாபுரம் சூசை நகரை சேர்ந்தவர் முத்து (வயது 60). கூலித்தொழிலாளி. இவருடைய வீட்டின் கதவை அதே பகுதியை சேர்ந்த முத்தையா மகன் ரூபன் என்பவர் அடிக்கடி தட்டிவிட்டு அங்கிருந்து சென்றுவிடுவாராம். சம்பவத்தன்று முத்துவின் வீட்டுக்கதவை கட்டையால் ரூபன் தட்டியுள்ளார். உடனடியாக வீட்டிற்கு வெளியே வந்த முத்து எதற்கு கதவை தட்டினாய்? என்று ரூபனிடம் கேட்டபோது, அவர்களுக்குள் வாக்குவாதம் ஏற்பட்டது. இதில் ஆத்திரமடைந்த ரூபன் கட்டையால் முத்துவை தாக்கியுள்ளார். இதில் காயமடைந்த முத்து தூத்துக்குடி அரசு ஆஸ்பத்திரியில் சிகிச்சைக்காக சேர்க்கப்பட்டார். இதுகுறித்த புகாரின்பேரில் முத்தையாபுரம் போலீஸ் சப்- இன்ஸ்பெக்டர் முத்துமாலை வழக்குப்பதிவு ரூபனை கைது செய்தார்.