அக்னி நட்சத்திரம் நாளை தொடக்கம்: புதுக்கோட்டையில் சுட்டெரிக்கும் வெயில் 100 டிகிரியை தாண்டி கொளுத்துகிறது

கோடை காலம் தொடங்கிய நிலையில் மதுப்பிரியர்கள் பலர் கூலிங் பீர் வகைகளை வாங்கி அருந்தி வருகின்றனர். இதனால் புதுக்கோட்டை மாவட்டத்தில் டாஸ்மாக் கடைகளில் பீர் விற்பனை சற்று அதிகரித்துள்ளது. இதற்காகவே கடைகளில் உள்ள பெரிய பிரீஷர்களில் பீர் பாட்டில்களை அதிகம் அடுக்கி வைத்து விற்பனை செய்கின்றனர். ‘ஹாட்’ ரக மதுபானங்களை அருந்தினால் சிலருக்கு உடலில் ஒவ்வாமை ஏற்படும். இதனால் இதுபோன்ற மதுபான வகைகளை அருந்தும் பழக்கம் கொண்டவர்களில் சிலர் இதனை தவிர்த்து குளிர்ச்சியான பீர்களை அருந்துகின்றனர். இருப்பினும் மதுப்பிரியர்கள் அதே  ‘ஹாட்’ ரக மதுபானங்களை வாங்கியும் அருந்தி வருகின்றனர். இதனால் அவற்றின் விற்பனையும் சராசரியாக உள்ளது.