<
குறிஞ்சேரி ஊராட்சி பகுதியில் உயர்மட்ட பாலம் கட்டும் பணிகள் தீவிரமாக நடைபெற்று வருகிறது
குறிஞ்சேரி ஊராட்சி பகுதியில் உயர்மட்ட பாலம் கட்டும் பணிகள் தீவிரமாக நடைபெற்று வருகிறது
உடுமலை,
உடுமலை அருகே நான்கு வழிச்சாலைக்காக குறிஞ்சேரி ஊராட்சி பகுதியில் உயர்மட்ட பாலம் கட்டும் பணிகள் தீவிரமாக நடைபெற்று வருகிறது.
நான்கு வழிச்சாலை
மத்திய அரசின் ‘பாரத் மாலா பிரயோஜனா' திட்டத்தில் தேசிய நெடுஞ்சாலை ஆணையத்தின் மூலம், கோவை மாவட்டம் பொள்ளாச்சியில் இருந்து திண்டுக்கல் மாவட்டம் கமலாபுரம் வரை நான்கு வழிச்சாலை அமைக்கப்படுகிறது. இந்த பணிகள் நடைபெற்று வருகிறது.
இந்த நான்கு வழிச்சாலை திட்டத்தில் பொள்ளாச்சி முதல் மடத்துக்குளம் வரை50.07 கி.மீ. மடத்துக்குளம் முதல் ஒட்டன்சத்திரம் வரை 45.38 கி.மீ. மற்றும் ஒட்டன்சத்திரம் முதல் கமலாபுரம் வரை 36.51 கி.மீ. என மொத்தம் 131.96 கி.மீ. தூரத்திற்கு இந்த சாலை அமைக்க திட்டமிடப்பட்டு, கடந்த சுமார் 1½ ஆண்டுகளுக்கு முன்பு பணிகள் தொடங்கப்பட்டு நடைபெற்று வருகிறது.
பொள்ளாச்சி முதல் திண்டுக்கல் வரையிலான பிரதான சாலை மட்டுமின்றி பொள்ளாச்சி, உடுமலை, மடத்துக்குளம், பழனி மற்றும் ஒட்டன்சத்திரம் பகுதிகளில் கிராமப்புறங்களில் 106.693 கி.மீ.தூரத்திற்கு புறவழிச்சாலைஅமைக்கப்படுகிறது.
நான்கு வழிச்சாலை
கிராமப்புறங்களில் இந்த 4 வழிச்சாலைக்காக நிலம் எடுக்கப்பட்ட பகுதிகளில் மின்கம்பங்கள் அமைத்தல், திட்டவடிவமைப்பின்படி உயரமாக மண் கொட்டப்பட்டு, ஜல்லிகற்கள் நிரப்பப்பட்டு, தார்சாலை அமைத்தல், சாலையோரங்களில் கான்கிரீட் தடுப்புகள் அமைத்தல், பாலங்கள் மற்றும் உயர்மட்ட பாலங்கள் கட்டுதல் உள்ளிட்ட பணிகள் தீவிரமாக நடைபெற்று வருகிறது. மேலும் முக்கிய நகர பகுதிகளை நான்கு வழிச்சாலையுடன் இணைக்கும் வகையில் 47 கி.மீ. தூரத்திற்கு அணுகுசாலையும் அமைக்கப்படுகிறது.
உயர்மட்ட பாலம்
நான்கு வழிச்சாலையின் ஒருபகுதி உடுமலை-பொள்ளாச்சி தேசிய நெடுஞ்சாலையில் கணபதிபாளையம் பிரிவுக்கு அருகில் இருந்து தொடங்குகிறது. இந்த நான்கு வழிச்சாலை குறிஞ்சேரி ஊராட்சிக்குட்பட்ட பகுதியில் பெதப்பம்பட்டி சாலை மற்றும் சின்னவீரம்பட்டி ஊராட்சிக்குட்பட்ட பகுதியில் திருப்பூர் சாலை, தாராபுரம் சாலை ஆகிய சாலைகளின் குறுக்கே கடந்து உடுமலை-பழனி தேசிய நெடுஞ்சாலையில் பாலப்பம்பட்டி அருகே வந்து இணைகிறது.
இந்த நிலையில் உடுமலை-பெதப்பம்பட்டி சாலையின் குறுக்கே குறிஞ்சேரி ஊராட்சிக்குட்பட்ட பகுதியில் உயர்மட்ட பாலம் கட்டும் பணிகள் தீவிரமாக நடைபெற்று வருகிறது. அங்கிருந்து கணபதிபாளையம் செல்லும் பகுதியில் புதியதாக அமைக்கப்பட்டுள்ள நான்கு வழிச்சாலையில் தார்சாலை அமைக்கும் பணிகள் நடைபெற்று வருகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
