<
ரம்ஜான் பண்டிகையையொட்டி மசூதிகள், ஈத்கா மைதானத்தில் சிறப்பு தொழுகை
வேலூர் மாவட்டத்தில் ரமலான் பண்டிகையையொட்டி ஈத்கா மைதானம், மசூதிகளில் சிறப்பு தொழுகை நடைபெற்றது. இதில் திரளான முஸ்லிம்கள் கலந்து கொண்டனர்.
வேலூர்
வேலூர் மாவட்டத்தில் ரமலான் பண்டிகையையொட்டி ஈத்கா மைதானம், மசூதிகளில் சிறப்பு தொழுகை நடைபெற்றது. இதில் திரளான முஸ்லிம்கள் கலந்து கொண்டனர்.
ரமலான் பண்டிகை
முஸ்லிம்களின் முக்கிய பண்டிகைகளில் ரமலான் பண்டிகையும் ஒன்றாகும். நாடு முழுவதும் ரமலான் பண்டிகை இன்று கொண்டாடப்பட்டது.
தமிழகத்தில் கொரோனா தொற்று பரவல் காரணமாக கடந்த 2 ஆண்டுகள் ரமலான் பண்டிகையையொட்டி ஈத்கா மைதானங்கள், மசூதிகளில் சிறப்பு தொழுகை நடத்த தடை விதிக்கப்பட்டிருந்தது. அதனால் முஸ்லிம்கள் வீடுகளில் சிறப்பு தொழுகை நடத்தி ரமலான் பண்டிகையை கொண்டாடினார்கள்.
இந்த நிலையில் 2 ஆண்டுகளுக்கு பின்னர் ஈக்தா மைதானம், மசூதிகளில் ரமலான் பண்டிகை சிறப்பு கூட்டுத்தொழுகை இன்று நடைபெற்றது. அதனால் முஸ்லிம்கள் மிகவும் உற்சாகத்துடன் காணப்பட்டனர்.
ரமலான் பண்டிகையையொட்டி வேலூர் மாவட்டத்தில் உள்ள முஸ்லிம்கள் காலையில் எழுந்து குளித்து விட்டு புத்தாடை அணிந்து ஈக்தா மைதானம், மசூதிகளுக்கு சென்று சிறப்பு தொழுகை நடத்தினார்கள்.
போலீஸ் பாதுகாப்பு
வேலூர் ஆர்.என்.பாளையம் பெரிய மசூதி ஈத்கா மைதானத்தில் ஆயிரக்கணக்கான முஸ்லிம்கள் திரண்டு சிறப்பு தொழுகை நடத்தினார்கள்.
அதேபோன்று வேலூர் சைதாப்பேட்டை, கஸ்பா, கொணவட்டம், அல்லாபுரம், மக்கான், டிட்டர்லைன், சத்துவாச்சாரி உள்பட மாவட்டம் முழுவதும் உள்ள மசூதிகளில் சிறப்பு தொழுகை நடந்தது.
தொழுகை முடிந்தவுடன் முஸ்லிம்கள் ஒருவருக்கொருவர் கட்டித்தழுவியும், கைகளை குலுக்கியும் ரம்ஜான் வாழ்த்துகளை பரிமாறி கொண்டனர்.
பின்னர் அவர்கள் தங்கள் பகுதிகளில் உள்ள உறவினர்கள், ஏழை, எளிய மக்கள், அக்கம், பக்கத்தில் வசிப்பவர்களுக்கும் பிரியாணி வழங்கி அன்பை வெளிப்படுத்தினார்கள்.
ரமலான் பண்டிகையையொட்டி வேலூர் மாவட்ட போலீஸ் சூப்பிரண்டு ராஜேஷ்கண்ணன் தலைமையில் 4 துணை போலீஸ் சூப்பிரண்டுகள் மேற்பார்வையில் 700-க்கும் மேற்பட்ட போலீசார் மாவட்டம் முழுவதும் பாதுகாப்பு பணியில் ஈடுபட்டிருந்தனர்.
வேலூர் மாவட்டத்தில் உள்ள மசூதிகள், ஈத்கா மைதானங்களையும் போலீசார் கண்காணித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
