மே தின கிராமசபை கூட்டம்

ராசிபுரம்:-

ராசிபுரம் அருகே கட்டனாச்சம்பட்டி ஊராட்சி அத்திபலகானூரில் கிராமசபை கூட்டம் நடந்தது. ஊராட்சி மன்ற தலைவர் தங்கதுரை தலைமை தாங்கினார். சிறப்பு விருந்தினராக நாமக்கல் கிழக்கு மாவட்ட தி.மு.க. பொறுப்பாளர் கே.ஆர்.என். ராஜேஷ்குமார் எம்.பி. கலந்து கொண்டார். ஒன்றியக்குழு உறுப்பினர் துரைசாமி, தாசில்தார் கார்த்திகேயன், வட்டார வளர்ச்சி அலுவலர் பிரபாகரன் ஆகியோர் முன்னிலை வகித்தனர். கூட்டத்தில் ஊராட்சி பகுதியில் செயல்படுத்தப்படும் பல்வேறு பணிகளுக்கு பொதுமக்களிடம் ஒப்புதல் பெறப்பட்டது. கூட்டத்தில் கிராம தூய்மை பணியாளர்களுக்கு பொன்னாடை அணிவித்து நினைவுப் பரிசு வழங்கினார். ஊராட்சி மன்ற துணைத் தலைவர் லட்சுமி உள்பட பலர் கலந்து கொண்டனர்.