சேலத்தில் ஆவின் பாலகத்தில் திருடிய சிறுவன் உள்பட 2 பேர் கைது

சேலம்:

சேலம் பொன்னம்மாபேட்டை பகுதியை சேர்ந்தவர் தங்கராஜ் (வயது 61). இவர் அதே பகுதியில் ஆவின் பாலகம் நடத்தி வருகிறார். கடந்த 1-ந் தேதி அவரின் ஆவின் பாலகத்தில் இருந்த ரூ.22 ஆயிரம் திருட்டு போனது. இதுகுறித்து தங்கராஜ் அம்மாபேட்டை போலீஸ் நிலையத்தில் புகார் கொடுத்தார். அதன்பேரில் போலீஸ் சப்-இன்ஸ்பெக்டர் கிருஷ்ணமூர்த்தி மற்றும் வழக்குப்பதிவு செய்து விசாரணை நடத்தி வந்தனர். இதையடுத்து போலீசார் அந்த பகுதியில் பொருத்தப்பட்டிருந்த கண்காணிப்பு கேமராக்களை ஆய்வு செய்தனர். இதில் ஜான்சன்பேட்டையை சேர்ந்த 16 வயதுடைய சிறுவன் மற்றும் 18 வயதுடைய வாலிபர் ஆகியோர் அங்கு பணம் திருடியது தெரியவந்தது. இதையடுத்து நேற்று அவர்களை போலீசார் கைது செய்தனர். மேலும் அவர்களிடம் இருந்து பணம் மீட்கப்பட்டது.