நாசரேத்தில் அச்சக உரிமையாளர் தற்கொலை

நாசரேத் சாமுவேல் தெருவைச் சேர்ந்த செல்வராஜ் மகன் டேனியல். இவர் நாசரேத்தில் அச்சகம் நடத்தி வந்தார். கடந்த 2 வருடங்களாக போதிய வருமானம் இல்லாமல் கடன் வாங்கி செலவு செய்து வந்துள்ளார். இதில் மனம் உடைந்த இவர் சம்பவத்தன்று மாணிக்கபுரம் பஸ் நிறுத்தத்தில் விஷம் குடித்துவிட்டு, மெஞ்ஞானபுரம் வந்துள்ளார். அங்கு மயங்கி விழுந்த அவரை அக்கம் பக்கத்தினர் மீட்டு மெஞ்ஞானபுரம் அரசு மருத்துவமனையில் சேர்த்தனர். அங்கிருந்து மீண்டும் நாசரேத் தனியார் மருத்துவமனையில் சேர்க்கப்பட்டு, மேல் சிகிச்சைக்காக பாளையங்கோட்டை அரசு மருத்துவமனையில் சேர்க்கப்பட்ட அவர், நேற்று முன்தினம் பரிதாபமாக இறந்தார். இது குறித்து அவரது மனைவி சுஜிதா அளித்த புகாரின்பேரில் மெஞ்ஞானபுரம் போலீசார் வழக்குப்பதிவு செய்து விசாரணை நடத்தி வருகின்றனர்.