பி.எஸ்.என்.எல். சேவைகள் விழிப்புணர்வு ஊர்வலம்

ஓசூர்:-

ஓசூரில் பி.எஸ்.என்.எல். சேவைகள் தொடர்பான விழிப்புணர்வு ஊர்வலம் நடந்தது. ஓசூர் பி.எஸ்.என்.எல். அலுவலகம் முன்பு இருந்து தொடங்கிய ஊர்வலத்தை, சேலம் மண்டல பொதுமேலாளர் சுபா கொடியசைத்து தொடங்கிவைத்தார். ஊர்வலம் முக்கிய வீதிகள் வழியாக சென்றது. இதில்  தர்மபுரி துணை பொதுமேலாளர் உமா, ஓசூர் கோட்ட பொறியாளர் மாரிமுத்து, உதவி பொறியாளர் அரசு உள்பட பலர் கலந்து கொண்டனர்.

முன்னதாக மண்டல பொதுமேலாளர் கூறுகையில்,"வைபர் டூ ஹோம்" (எப்.டி.எச்) என்ற சேவை வழியாக இணையதள தொடர்பை பி.எஸ்.என்.எல். வழங்க உள்ளது. இந்த திட்டத்தின் மூலம் குறைந்தபட்சம் ரூ.399 முதல், சேவை வழங்கப்பட உள்ளது. இதனை பொதுமக்கள் பயன்படுத்திக்கொள்ள வேண்டும். பி.எஸ்.என்.எல். 4 ஜி சேவை ஏற்கனவே தொடங்கப்பட்டுள்ளது. நாடு முழுவதும் இந்த சேவை, இந்தாண்டு இறுதிக்குள் முழுமையாக விரிவுபடுத்தப்பட்டுவிடும். ஓசூருக்கு 4ஜி சேவை, இந்தாண்டு டிசம்பர் மாதத்திற்குள் கிடைத்துவிடும் என்று கூறினார்.