கோவில் தர்மகர்த்தா மின்சாரம் தாக்கி பலி

ஓமலூர்:

ஓமலூர் அருகே தொளசம்பட்டி உ.மாரமங்கலம் ஊராட்சி கருப்பன் தோட்டம் பகுதியில் ஓடைமாரியம்மன் கோவில் உள்ளது. இந்த கோவிலின் தர்மகர்த்தாவாக அதே பகுதியை சேர்ந்த எல்லப்பன் (வயது 39) என்பவர் இருந்தார். இவர் தலைமையில் கோவில் திருப்பணிகள் நடைபெற்று வந்தது. இந்த நிலையில் எல்லப்பன் எலக்ட்ரீசியன் என்பதால், கோவிலில் எலக்ட்ரீசியன் வேலைகளை செய்து வந்தார். இந்த நிலையில் நேற்று மாலை 6 மணி அளவில் எல்லப்பன் கோவிலில் எலக்ட்ரிக் பணியில் ஈடுபட்ட போது எதிர்பாராதவிதமாக அவர் மீது மின்சாரம் பாய்ந்தது. இதனால் எல்லப்பன் தூக்கி வீசப்பட்டார். அக்கம்பக்கத்தினர் அவரை மீட்டு ஓமலூர் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி எல்லப்பன் பரிதாபமாக உயிரிழந்தார். இதுகுறித்து தொளசம்பட்டி போலீஸ் சப்-இன்ஸ்பெக்டர் அங்கப்பன் மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.