வைகை அணை வேளாண் ஆராய்ச்சி நிலையத்தில் பல்கலைக்கழக துணைவேந்தர் ஆய்வு

ஆண்டிப்பட்டி:

ஆண்டிப்பட்டி அருகே உள்ள வைகை அணை வேளாண் ஆராய்ச்சி நிலையத்தில் கோவையில் உள்ள தமிழ்நாடு வேளாண் பல்கலைக்கழக துணைவேந்தர் கீதாலட்சுமி ஆய்வு செய்தார். அப்போது விதை உற்பத்தி செய்யப்படும் முறையையும், அங்கு நடைபெறும் ஆராய்ச்சிகளையும் பார்வையிட்டார். மேலும் 75 குதிரைத்திறன் கொண்ட புதிய நீர்மூழ்கி மோட்டாரை பயன்பாட்டிற்கு இயக்கி வைத்தார். இதில் விதை மைய இயக்குனர் சுந்தரேசன், மக்கள் தொடர்பு அதிகாரி ராஜவேல் ஆகியோர் கலந்து கொண்டனர். இதற்கான ஏற்பாடுகளை வேளாண் ஆராய்ச்சி நிலைய வைகை அணை தலைவர் மதன் மோகன் மற்றும் வேளாண் விஞ்ஞானிகள் பரமேஸ்வரி, ஜெயஸ்ரீ நிவாஸ் ஆகியோர் செய்திருந்தனர்.