<
மாடுகளின்மேல் பூசும் உண்ணி மருந்தை தண்ணீரென நினைத்து குடித்தவர் சாவு
மாடுகளின்மேல் பூசும் உண்ணி மருந்தை தண்ணீரென நினைத்து குடித்தவர் பரிதாபமாக இறந்தார்.
திருப்பத்தூர்
மாடுகளின்மேல் பூசும் உண்ணி மருந்தை தண்ணீரென நினைத்து குடித்தவர் பரிதாபமாக இறந்தார்.
திருப்பத்தூர் தாலுகா மேல்தம்மனூர் கிராமத்தைச் சேர்ந்தவர் வஜ்ஜிரம் (வயது 50), விவசாயி. இவர் தனது வீட்டில் மாடுகளின் மேல் ஒட்டி உயிர் வாழும் உண்ணிகளை நீக்குவதற்கான மருந்தில் தண்ணீர் கலந்து ஒரு குடிநீர் பாட்டிலில் வைத்திருந்தார்.
வெளியே சென்றிருந்த வஜ்ஜிரம் வீட்டுக்கு வந்ததும் தாகத்தில் குடிநீர் பாட்டிலில் இருந்த உண்ணி மருந்தை எடுத்து, தண்ணீரென நினைத்து மட மடவென குடித்து விட்டார். திடீரென வீட்டில் சுருண்டு விழுந்த
அவரை குடும்பத்தினர் மீட்டு திருப்பத்தூர் அரசு மருத்துவமனையில் சிகிச்சைக்காக சேர்த்தனர். பின்னர் மேல் சிகிச்சைக்காக கிருஷ்ணகிரியில் உள்ள ஒரு தனியார் மருத்துவமனையில் சேர்த்தனர். அங்கு சிகிச்சை பலனின்றி வஜ்ஜிரம் பரிதாபமாக உயிரிழந்தார்.
இதுகுறித்து தகவல் அறிந்ததும் திருப்பத்தூர் தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
