மின்நுகர்வோர் குறைதீர்க்கும் கூட்டம்

பெரம்பலூர்:

தமிழ்நாடு மின்சார வாரியத்தின் பெரம்பலூர் செயற்பொறியாளர் ராஜேந்திர விஜய் வெளியிட்டுள்ள செய்திக்குறிப்பில் தெரிவித்துள்ளதாவது:-

பெரம்பலூர் கோட்டத்திற்கு உட்பட்ட மின்நுகர்வோர்களின் குறைதீர்க்கும் கூட்டம் பெரம்பலூர் மின்வாரிய அலுவலகத்தில் நாளை மறுநாள் (செவ்வாய்க்கிழமை) காலை 11 மணி முதல் மதியம் 1 மணி வரை நடைபெறவுள்ளது. பெரம்பலூர் மின் பகிர்மான வட்ட மேற்பார்வை பொறியாளர் தலைமையில் நடைபெறும் இந்த கூட்டத்தில் மின்நுகர்வோர்கள் கலந்து கொண்டு தங்களுடைய குறைகளை நேரில் முறையிட்டு பயன்பெறலாம்.

இவ்வாறு அவர் அதில் கூறியுள்ளார்.