வழிப்பறியில் ஈடுபட்ட 5 பேர் கைது

மதுரை

மதுரை கருமாத்தூர் பகுதியை சேர்ந்தவர் பாண்டி(வயது 52).  இவர் அய்யர்பங்களா ரோட்டில் நடந்து சென்றார். அப்போது அந்த வழியாக வந்த 2 பேர் அவரை வழிமறித்தனர். பின்னர் அவர்கள் கத்தியை காட்டி பாண்டியிடமிருந்து ரூ.2 ஆயிரத்தை பறித்து கொண்டு தப்பிவிட்டனர். இதுகுறித்த புகாரின் பேரில் தல்லாகுளம் போலீசார் வழக்குப்பதிவு செய்து பீ.பி.குளம், நேதாஜி மெயின்ரோட்டை சேர்ந்த ஜோதிபாசு, பீ.பி.குளம் காந்திஜிதெரு கோகுல்விஜய் ஆகிய 2 பேரையும் கைது செய்தனர். மதுரை கரிமேடு மோதிலால் மெயின்ரோட்டை சேர்ந்தவர் தங்கராஜ்(35). இவர் மேலப்பொன்னகரம் மெயின்ரோட்டில் நடந்து சென்றபோது 2 பேர் அவரை கத்தியை காட்டி மிரட்டி 1,400 ரூபாயை பறித்துச் சென்றார். இதுகுறித்த புகாரின் பேரில் கரிமேடு போலீசார் வழக்குப்பதிவு செய்து ஜீவாமணி, அஜய் பிரசன்னா(23) ஆகியோரை கைது செய்தனர். மதுரை முனிச்சாலை இஸ்மாயில்புரத்தை சேர்ந்தவர் ஜாகீர்(38). இவர் பாலமேடு மெயின்ரோடு பகுதியில் நடந்து சென்ற போது சின்னசொக்கிகுளத்தை சேர்ந்த ஜோசப் சாமுவேல்(21) என்பவர் கத்தியை காட்டி பணத்தை பறித்து சென்றார்.  இது குறித்த புகாரின் பேரில் கூடல்புதூர் போலீசார் வழக்குப்பதிவு செய்து அவரை கைது செய்தனர்.