லாரிகள் மோதி விபத்து; டிரைவர் படுகாயம்

கடலூர் மாவட்டம் பெரிய நற்குணம் பகுதியை சேர்ந்தவர் மகேஷ் (வயது 33), டிரைவர். இவர் திருச்சியிலிருந்து-கரூர் நோக்கி டிப்பர் லாரியில் சென்று கொண்டிருந்தார். இதேபோல் தென்காசி மாவட்டத்தை சேர்ந்த கீழப்புதூர் பகுதியை சேர்ந்த முத்துராமலிங்கம் (45) என்பவர் சிமெண்டு ஏற்றி சென்ற லாரியை ஓட்டி சென்றார். கிருஷ்ணராயபுரம் யூனியன் ஆபீஸ் அருகே சென்றபோது முன்னால் சென்ற டிப்பர் லாரி மீது சிமெண்டு ஏற்றி சென்ற லாரி மோதியது. இந்த விபத்தில் படுகாயமடைந்த முத்துராமலிங்கத்தை அந்த வழியாக சென்ற வாகன  ஓட்டிகள் மீட்டு கரூர் தனியார் மருத்துவமனையில் அனுமதித்தனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். இந்த விபத்து குறித்து மாயனூர் போலீசார் வழக்குப்பதிவு செய்து விசாரணை நடத்தி வருகின்றனர்.