சென்னையின் 6-வது குடிநீர் ஆதாரமாக அமைய உள்ள ராமஞ்சேரி நீர்த்தேக்க பகுதியில் தலைமைச் செயலாளர் ஆய்வு


சென்னையின் 6-வது குடிநீர் ஆதாரமாக அமைய உள்ள ராமஞ்சேரி நீர்த்தேக்க பகுதியில் தலைமைச் செயலாளர் ஆய்வு
x
தினத்தந்தி 11 May 2022 9:38 AM GMT (Updated: 2022-05-11T15:08:48+05:30)

சென்னையின் 6-வது குடிநீர் ஆதாரமாக அமைய உள்ள ராமஞ்சேரி நீர்த்தேக்க பகுதியில் தலைமைச் செயலாளர் இறையன்பு நேரில் பார்வையிட்டு ஆய்வு செய்தார்.

சென்னை,  

சென்னை நகர மக்களின் முக்கிய குடிநீர் ஆதாரமாக பூண்டி, புழல், சோழவரம், செம்பரம்பாக்கம், கண்ணன்கோட்டை-தேர்வாய் கண்டிகை ஏரிகள் உள்ளன. இந்த ஏரிகளில் சேமித்து வைக்கப்படும் தண்ணீரை கொண்டு சென்னையில் குடிநீர் வினியோகம் செய்யப்படுகிறது. இந்த 5 ஏரிகளின் மொத்த கொள்ளளவு 11.757 டி.எம்.சி. ஆகும். பலத்த மழைக்குப்பின் ஏரிகளில் இருந்து திறந்து விடப்படும் தண்ணீர் வீணாக கடலில் கலப்பதை தவிர்த்து புதிய நீர்த்தேக்கம் கட்டவும் நீர்வள ஆதார துறை திட்டமிட்டுள்ளது. அதன்படி சென்னைக்கு குடிநீர் வழங்கும் வகையில் 6-வது புதிய ஏரியாக பூண்டி அருகே ராமஞ்சேரியில் 800 ஹெக்டர் நிலப்பரப்பில் 2 டி.எம்.சி. தண்ணீர் சேமித்து வைக்கக்கூடிய பிரமாண்ட நீர்தேக்கம் கட்ட ரூ.700 கோடி செலவிட முடிவு செய்யப்பட்டுள்ளது. இந்த நிலையில் புதிய நீர்த்தேக்கம் அமைய உள்ள பகுதியை தலைமைச் செயலாளர் இறையன்பு நேரில் பார்வையிட்டு ஆய்வு செய்தார்.

Next Story