<
முதியவர் கொலையில் முக்கிய குற்றவாளிக்கு போலீஸ் வலைவீச்சு
தென்காசி முதியவர் கொலையில் முக்கிய குற்றவாளியை போலீசார் வலைவீசி தேடிவருகிறார்கள்.
தென்காசி:
தென்காசி அருகே இலஞ்சி காளியம்மன் கோவில் தெருவைச் சேர்ந்தவர் கோட்டை மாடன் (வயது 82). இவர் கடந்த 4-ந்தேதி தனது மாந்தோப்பில் மர்மநபர்களால் அடித்துக்கொலை செய்யப்பட்டார். இதுகுறித்து குற்றாலம் போலீசார் வழக்குப்பதிவு செய்து விசாரணை நடத்தினர்.
விசாரணையில், சொத்து தகராறில் கோட்டை மாடனை அவரது 3-வது மகள் ஸ்ரீதேவி கூலிப்படையை ஏவி தீர்த்துக்கட்டியது தெரிய வந்தது.
இதுதொடர்பாக ஸ்ரீதேவி, அவருடைய மூத்த அக்காளான முன்னாள் பேரூராட்சி மன்ற தலைவி மைதீன்பாத்தின் கணவர் பரமசிவன், கல்லிடைக்குறிச்சியைச் சேர்ந்த வசந்தகுமார், இலஞ்சியைச் சேர்ந்த மகேஷ் ஆகிய 4 பேரை போலீசார் கைது செய்தனர்.
மேலும் முக்கிய குற்றவாளியான இலஞ்சியைச் சேர்ந்த லோடு ஆட்டோ டிரைவர் சேகர் தலைமறைவாக உள்ளார். அவரை போலீசார் வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
