<
ஆட்டோ டிரைவர் பலி
நாகூரில் கார்-ஆட்டோ நேருக்கு நேர் மோதிக்கொண்ட விபத்தில் ஆட்டோ டிரைவர் பலியானார். மேலும் இந்த விபத்தில் அவரது மனைவி, மகள் உள்பட 3 பேர் படுகாயம் அடைந்தனர்.
நாகூர்:
நாகூரில் கார்-ஆட்டோ நேருக்கு நேர் மோதிக்கொண்ட விபத்தில் ஆட்டோ டிரைவர் பலியானார். மேலும் இந்த விபத்தில் அவரது மனைவி, மகள் உள்பட 3 பேர் படுகாயம் அடைந்தனர்.
ஆட்டோ-கார் மோதல்
நாகை மாவட்டம் நாகூரை அடுத்த கொட்டாரக்குடி மில்தெருவை சேர்ந்தவர் விஜயகுமார் (வயது 48).ஆட்டோ டிரைவர். இவருடைய மனைவி செல்வராணி (44). மகள் செல்வபிரியா (22). சம்பவத்தன்று விஜயகுமார் தனது மனைவி மற்றும் மகளை ஆட்டோவில் ஏற்றி கொண்டு நாகூருக்கு வந்து கொண்டிருந்தார். அப்போதுஉத்தமசோழபுரம் பஸ் நிலையம் அருகே கங்களாஞ்சேரி சாலையில் சென்ற போது எதிரே வந்த காரும், ஆட்டோவும் நேருக்கு ேநர் மோதிக்கொண்டன.
இந்த விபத்தில் ஆட்டோவில் வந்த விஜயகுமார் மற்றும் அவருடைய மனைவி செல்வராணி, மகள் செல்வபிரியா ஆகியோரும், காரில் வந்த தஞ்சை வாண்டையார் தெருவை சேர்ந்த சுந்தரமூர்த்தி மகன் அறிவழகன் ஆகியோர் படுகாயம் அடைந்தனர்.
டிரைவர் சாவு
இதுகுறித்து தகவல் அறிந்த நாகூர் போலீசார் சம்பவ இடத்திற்கு வந்து படுகாயம் அடைந்தவர்களை மீட்டு சிகிச்சைக்காக நாகை அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர்.
இதில் சிகிச்சை பலனின்றி ஆட்டோ டிரைவர் விஜயகுமார் பரிதாபமாக உயிரிழந்தார். மற்ற 3 பேரும் சிகிச்சை பெற்று வருகின்றனர். இதுகுறித்து நாகூர் போலீசார் வழக்குப்பதிவு செய்து விசாரணை நடத்தி வருகின்றனர்.
----
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
