செவிலியர் தினத்தையொட்டி ஊர்வலம்

செவிலியர் தினத்தையொட்டி  கரூர் மாவட்ட தமிழ்நாடு எம்.ஆர்.பி. செவிலியர்கள் மேம்பாட்டு சங்கம் சார்பில் செவிலியர் தின ஊர்வலம் நடைபெற்றது. இதற்கு மாவட்ட தலைவர் ஜெயந்தி தலைமை தாங்கினார். துணைத்தலைவர் பிரவீனா, இணைச்செயலாளர் அன்பரசன் ஆகியோர் முன்னிலை வகித்தனர். தமிழ்நாடு அரசு ஊழியர் சங்க மாவட்ட செயலாளர் சக்திவேல் ஊர்வலத்தை தொடங்கி வைத்தார். இந்த ஊர்வலமானது கரூர் லைட் ஹவுஸ் கார்னரில் இருந்து தொடங்கி ஜவகர் பஜார் வழியாக சென்று கரூர் தாலுகா அலுவலகத்தில் நிறைவடைந்தது. இதில் மாவட்ட பொருளாளர் குழந்தை தெரசா உள்பட பலர் கலந்து கொண்டனர்.