சித்தி விநாயகர் கோவில் கும்பாபிஷேகம்

சிங்கம்புணரி,

 சிங்கம்புணரி ஒன்றியத்துக்கு உட்பட்ட எஸ்.செவல்பட்டி ஊராட்சியில் சித்திவிநாயகர் கோவில் உள்ளது. இந்த கோவிலில் திருப்பணிகள் நிறைவு பெற்றதை தொடர்ந்து கடந்த 11-ந்தேதி கணபதி பூஜையுடன் கும்பாபிஷேக விழா தொடங்கியது. தொடர்ந்து யாக சாலை அமைத்து சிறப்பு பூஜைகள் நடத்தப்பட்டன. நேற்று 4-ம் கால பூஜை முடிந்ததும் யாக சாலையில் வைக்கப்பட்டு இருந்த புனித தீர்த்த குடங்கள் கோவிலை சுற்றி வலம் வரப்பட்டு விமான கலசங்களுக்கு புனித நீர் ஊற்றி கும்பாபிஷேகம் நடத்தி வைக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். விழாவுக்கான ஏற்பாடுகளை எஸ்.செவல்பட்டி அம்பலக்காரர்கள், பொதுமக்கள் செய்திருந்தனர்.