பணம் பறித்த 3 பெண்கள் கைது

திருச்சி, மே.15-
திருச்சி தென்னூர் விநாயகபுரத்தை சேர்ந்தவர் காதர்ஷெரீப். இவருடைய மனைவி ஹமீம் (வயது 45). இவர் நேற்று முன்தினம் காலை தென்னூர் அண்ணாநகர் பகுதியில் நடந்து சென்றார். அப்போது அந்த வழியாக வந்த 3 பெண்கள் ஹமீமிடம் இருந்து ரூ.5 ஆயிரம் வைத்திருந்த கைப்பையை பறித்தனர். இது குறித்து ஹமீம் தில்லைநகர் போலீசாருக்கு தகவல் தெரிவித்தார். அதன் பேரில் போலீசார்  சம்பவ இடத்துக்கு விரைந்து வந்து 3 பெண்களையும் பிடித்து போலீஸ் நிலையம்அழைத்து சென்று விசாரித்தனர். விசாரணையில் அவர்கள், சேலம் சீலநாயக்கன்பட்டியை சேர்ந்த லெட்சுமி (36), பார்வதி (52), லாவண்யா (55) என்பது தெரியவந்தது. இது குறித்து தில்லைநகர் போலீசார் வழக்குப்பதிவு செய்து, 3 பேரையும் கைது செய்தனர். இவர்கள் மீது அருப்புக்கோட்டை, பண்ருட்டி, சேலம் டவுன் ஆகிய போலீஸ் நிலையங்களில் வழக்குகள் உள்ளன என்பது குறிப்பிடத்தக்கது.