சுசீந்திரம் அருகே பட்டதாரி வாலிபர் விஷம் குடித்து தற்கொலை

மேலகிருஷ்ணன்புதூர், 

சுசீந்திரம் அருகே உள்ள தேரியான்விளையை சேர்ந்தவர் சுயம்பு. இவருடைய மகன் அஜித் (வயது 24), எம்.காம். பட்டதாரி. இவர் அரசு வேலை கிடைக்காததால் மனமுடைந்த நிலையில் இருந்துள்ளார். இந்தநிலையில் நேற்றுமுன்தினம் அஜித் வீட்டில் விஷம் குடித்த நிலையில் உயிருக்கு போராடினார். இதனை கண்ட அவருடைய தாய் பானுமதி அக்கம் பக்கத்தினர் உதவியுடன் மீட்டு சிகிச்சைக்காக தேரூரில் உள்ள தனியார் ஆஸ்பத்திரியில் சேர்த்தனர். பின்னர் மேல்சிகிச்சைக்காக ஆசாரிபள்ளம் அரசு ஆஸ்பத்திரிக்கு கொண்டு செல்லப்பட்டார். அங்கு தீவிர சிகிச்சை அளித்தும் பலனின்றி பரிதாபமாக இறந்தார். இதுகுறித்த புகாரின் பேரில் சுசீந்திரம் போலீஸ் இன்ஸ்பெக்டர் சாயிலெட்சுமி, சப் இன்ஸ்பெக்டர் ஆஷாஜெபகர் ஆகியோர் வழக்குப்பதிவு செய்து விசாரணை நடத்தி வருகின்றனர்.