பண்ருட்டியில் மோட்டார் சைக்கிள் மோதி 4 பெண்கள் காயம்

பண்ருட்டி

பண்ருட்டி அருகே உள்ள பாலூர் சூரிய காலனியை சேர்ந்தவர் கிருஷ்ணமூர்த்தி மனைவி மாசிலா(வயது 50). இவர் கவரிங் நகைகளை வீடு வீடாக சென்று விற்பனை செய்து வருகிறார். நேற்று முன்தினம் மாலை மாசிலா கவரிங் நகைகளை விற்பதற்காக பண்ருட்டி-கடலூர் சாலையில் நடந்து சென்றார். 

அப்போது வேகமாக வந்த ஒரு மோட்டார் சைக்கிள் மாசிலா, மற்றும் சாலையில் நடந்து சென்ற திருவதிகையை சேர்ந்த வேலு மகள் ரம்யா(20), மகாதேவன் மகள் மோனிஷா(20), ரமேஷ் மகள் ரஜினிஷா(20) ஆகியோர் மீது மோதியது. இதில் மாசிலா உள்பட 4 பேரும் காயமடைந்தனவர். இவர்கள் பண்ருட்டி அரசு ஆஸ்பத்திரியில் சிகிச்சை பெற்றனர். இது குறித்த புகாரின் பேரில் பண்ருட்டி போலீசார் வழக்குப்பதிவு செய்து மோட்டார் சைக்கிளை ஓட்டி வந்த பிரகாஷ் என்பவரை கைது செய்தனர்.