அர்ச்சகர் வீட்டில் திருட்டு

ஊத்தங்கரை:

ஊத்தங்கரை பெரியார் நகரை சேர்ந்தவர் மணிகண்டன் (வயது 30). இவர் அந்த பகுதியில் உள்ள கோவில் ஒன்றில் அர்ச்சகராக வேலை பார்த்து வருகிறார். கடந்த 10-ந் தேதி மணிகண்டன் தனது குடும்பத்துடன் கேரளாவில் உள்ள கோவிலுக்கு சென்றார். பின்னர் நேற்று முன்தினம் அவர் வீடு திரும்பினார். அப்போது வீட்டின் பூட்டு உடைக்கப்பட்டு இருந்தது. மேலும் பீரோவில் இருந்த 1½ பவுன் நகை, வெள்ளி கொலுசு, வெள்ளி காசு, ரூ.2,500 ஆகியவை திருட்டு போய் இருந்தது. இது குறித்து மணிகண்டன் கொடுத்த புகாரின் பேரில் ஊத்தங்கரை போலீசார் வழக்குப்பதிவு செய்து விசாரணை நடத்தி வருகிறார்கள்.