<
மாட்டுத்தாவணியில் ரூ31 லட்சத்திற்கு மாடுகள விற்பனை
மாட்டுத்தாவணியில் ரூ31 லட்சத்திற்கு மாடுகள விற்பனை
முத்தூர்:
பழையகோட்டை மாட்டுத்தாவணியில் ரூ.31 லட்சத்திற்கு மாடுகள விற்பனை செய்யப்பட்டது.
மாட்டுத்தாவணி
நத்தக்காடையூர் அருகே உள்ள பழையகோட்டை மாட்டுத்தாவணியில் உலகிலேயே வீரத்திற்கும், கம்பீரத்திற்கும் புகழ் பெற்ற காங்கயம் இன காளைகள், கன்றுகள், பசுமாடுகள் விற்பனை சந்தை வாரந்தோறும் ஞாயிற்றுக்கிழமை நடைபெற்று வருகிறது.
அதன்படி நேற்று நடைபெற்ற சந்தையில் திருப்பூர், ஈரோடு, கரூர், நாமக்கல், கோவை, திருச்சி, திண்டுக்கல் மாவட்டங்களை சேர்ந்த காங்கயம் இன காளைகள் வளர்ப்போர்கள், நாட்டு மாடுகளை வளர்க்கும் விவசாயிகள், காங்கயம் இன காளை பராமரிப்பு விருத்தியாளர்கள் கலந்து கொண்டனர். இதனை தொடர்ந்து மாட்டு சந்தைக்கு விவசாயிகள் விற்பனைக்காக கொண்டு வந்த மாடுகள் ரகம் வாரியாக தரம் பிரிக்கப்பட்டு விற்பனை செய்யப்பட்டது.
ரூ.31 லட்சத்துக்கு விற்பனை
திருப்பூர், ஈரோடு, கோவை மாவட்டங்களில் மழை பெய்தது. இதனால் மாடுகள் விரும்பி உண்ணும் கொழுக்கட்டை புற்கள் அதிக அளவில் வளர்ந்து உள்ளன. இதனால் விவசாயிகள் கன்றுகள் வாங்கி வளர்ப்பதற்கு ஆர்வம் காட்டி வருகின்றனர். இதனால் இந்த சந்தையில் விற்பனைக்காக கொண்டு வரப்பட்ட 100 மாடுகளில் மொத்தம் 78 நாட்டு மாடுகள் விற்பனை செய்யப்பட்டது. மொத்தம் ரூ.31 லட்சத்துக்கு மாடுகள் விற்பனை செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
