<
மயிலம் அருகே கார் மோதி முதியவர் சாவு
மயிலம் அருகே கார் மோதி முதியவர் உயிரிழந்தாா்.
மயிலம்,
மயிலம் அருகே பந்தமங்கலம் மாதா கோவில் தெருவை சேர்ந்தவர் சின்னசாமி மகன் தேவராஜ் (வயது 65). இவர் நேற்று இரவு திண்டிவனத்தில் இருந்து மோட்டார் சைக்கிளில் வீட்டுக்கு சென்று கொண்டிருந்தார்.
அப்போது, சென்னை-திருச்சி தேசிய நெடுஞ்சாலையில் கேனிப்பட்டு என்கிற இடத்தில் சென்ற போது, பின்னால் வந்த கார் அவர் மீது மோதியது.
மேலும், மோதிய காருக்கு பின்னால் வந்த மற்றொரு காரும் தேவராஜ் மீது மோதியது. இதில் பலத்த காயமடைந்த தேவராஜ் சம்பவ இடத்திலேயே உயிரிழந்தார்.
இதுகுறித்து தகவல் அறிந்த மயிலம் போலீசார் சம்பவ இடத்துக்கு சென்று, உடலை கைப்பற்றி பிரேத பரிசோதனைக்காக முண்டியம்பாக்கம் அரசு மருத்துவகல்லூரி ஆஸ்பத்திரிக்கு அனுப்பி வைத்தனர்.
இது குறித்த புகாரின்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
