சாலை விபத்தில் மூதாட்டி பலி

கடவூர் வட்டம், குரும்பட்டியை சேர்ந்தவர் ராமன் மனைவி பாப்பாயி (வயது 70). இவர் பாலவிடுதிக்கு மணப்பாறை-கரூர் மெயின் சாலையில் நடந்து வந்து கொண்டிருந்தார். அப்போது தெற்கில் இருந்து வடக்கு நோக்கி அத்திகுளத்துப்பட்டியை சேர்ந்த ராஜா (37) என்பவர் ஓட்டி வந்த மோட்டார் சைக்கிள் பாப்பாயி மீது மோதியது. இதில் படுகாயம் அடைந்த அவரை அங்கிருந்தவர்கள் மீட்டு சிகிச்சைக்காக மணப்பாறை அரசு மருத்துவமனைக்கு அனுப்பி வைத்தனர். 

பின்னர் அவர் மேல்சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு பாப்பாயியை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இந்த விபத்து குறித்து பாப்பாயின் மருமகன் முருகன் கொடுத்த புகாரின்பேரில் பாலவிடுதி போலீசார் வழக்குப்பதிந்து விசாரணை நடத்தி வருகின்றனர்.