கீரணிப்பட்டியில் கபடி போட்டி

அரிமளம் ஒன்றியம், கீரணிப்பட்டி கிராமத்தில் முத்து மாரியம்மன் கோவில் திருவிழாவை முன்னிட்டு 65 கிலோ எடை பிரிவிற்கான கபடி போட்டி நடைபெற்றது. இதில் 17 அணிகள் கலந்து கொண்டன. இந்த கபடி போட்டியில் முதல் பரிசு ரூ.20 ஆயிரத்து 1-ஐ அரிமளம் கபடி அணியினரும், 2-ம் பரிசு ரூ.15 ஆயிரத்து 1-ஐ போசம்பட்டி கபடி அணியினரும், 3-ம் பரிசு ரூ.12 ஆயிரத்து 1-ஐ மீனிகந்தா கபடி அணியினரும், நான்காம் பரிசு ரூ.8 ஆயிரத்து 1-ஐ அகரப்பட்டி கபடி அணியினரும் பெற்றனர். பின்னர் வெற்றி பெற்றவர்களுக்கு ஊராட்சி மன்ற தலைவர் முருகேசன் கோப்பை மற்றும் ரொக்கப் பரிசுகளை வழங்கி பாராட்டினார். போட்டிக்கான ஏற்பாடுகளை கீரணிப்பட்டி பொதுமக்கள் மற்றும் அம்பலகாரர்கள், இளைஞர்கள் செய்து இருந்தனர்.