கோவில் சிலையை உடைத்த வாலிபர் கைது

செஞ்சி, 

செஞ்சி வட்டம் அனந்தபுரம் அருகே சித்தரசூர் கிராமத்தில் முனீஸ்வரன் கோவில் உள்ளது. திறந்த வெளியில் உள்ள முனீஸ்வரன் சிலை மற்றும் பூவாடைக்காரி சிலையை யாரோ மர்ம நபர்கள் உடைத்து சேதப்படுத்தி இருந்தனர். இதுகுறித்த புகாரின் பேரில் அனந்தபுரம் போலீஸ் சப்-இன்ஸ்பெக்டர் மகாலிங்கம் வழக்குப்பதிவு செய்து விசாரணை செய்து வந்தார். விசாரணையில் கோவில் சிலையை உடைத்தது அதே ஊரை சேர்ந்த வீரவன்னியர் மகன் பார்த்தசாரதி(வயது 36) என்பது தொியவந்தது. இதையடுத்து பார்த்தசாரதியை போலீசார் கைது செய்து விசாரணை நடத்தி வருகின்றனர்.