பள்ளி மாணவி தூக்குப்போட்டு தற்கொலை

காரைக்குடி, 

காரைக்குடி அருகே உள்ள கோட்டையூரை சேர்ந்தவர் கிருஷ்ணமூர்த்தி. முன்னாள் ராணுவ வீரர் இவரது மகள் காயத்ரி (வயது 14). இவர் அருகில் உள்ள பள்ளியில் 8-ம் வகுப்பு படித்து வந்தார். இவர் வீட்டில் செல்போனில் விளையாடியதை பார்த்த அவரது பெற்றோர் அவருக்கு அறிவுரைகூறி பள்ளிப்பாடங்களை படிக்குமாறு செல்போனை வாங்கி வைத்துக்கொண்டனர். இதில் மனமுடைந்த மாணவி வீட்டில் தூக்கிட்டு தற்கொலை செய்து கொண்டார். இதுகுறித்து பள்ளத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.