விபத்தில் காயமடைந்தவர் சாவு

நெல்லை:

நெல்லை மேலப்பாளையம் பகுதியை சேர்ந்தவர் செல்வராஜ் (வயது 58). இவர் அங்குள்ள தனியார் பீடி நிறுவனத்தில் கணக்காளராக வேலை பார்த்து வந்தார். சம்பவத்தன்று மோட்டார் சைக்கிளில் தச்சநல்லூர் அருகே சென்று கொண்டிருந்தார். அப்போது அந்த பகுதியில் வந்த மற்றொரு மோட்டார் சைக்கிள் எதிர்பாராதவிதமாக செல்வராஜ் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட செல்வராஜ் பலத்த காயமடைந்தார். 

உடனே அருகில் இருந்தவர்கள் அவரை மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரியில் சேர்த்தனர். ஆனால் அங்கு சிகிச்சை பலனின்றி செல்வராஜ் பரிதாபமாக உயிரிழந்தார். 

இது குறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.